Икона вмч. и целителя Пантелеимона с мощами посетила наш храм

В прошлые выходные по милости Божией в наш храм была привезена икона
вмч. и целителя Пантелеимона с частицей мощей. По окончании божественной
литургии был совершён молебен с акафистом вмч. Пантелеимону. Наш приход
благодарит послушника Павла из г. Пушкино, который любезно согласился
привезти  к нам сию чудотворную икону.Тропарь великомученика Пантелеимона, глас 3Страстотерпче святый и целебниче Пантелеимоне, моли Милостиваго Бога, да прегрешений оставление подаст душам нашим.Кондак великомученика Пантелеимона, глас 5Подражатель
сый Милостиваго и исцелений благодать от Него прием, страстотерпче и
мучениче Христа Бога, молитвами твоими душевныя наша недуги исцели,
отгоня присно борца соблазны от вопиющих верно: спаси ны, Господи.Молитва святому великомученику и целителю Пантелеимону О
великий Христов угодниче и преславный целебниче, великомучениче
Пантелеимоне! Душею на Небеси Престолу Божию предстояй и Триипостасныя
Его славы наслаждаяйся, телом же и ликом святым на земли в Божественных
храмах почиваяй и данною ти свыше благодатию различные чудеса источаяй.
Призри милостивым твоим оком на предстоящия люди и честнейзй иконе
умильно молящиеся и просящия от тебя целебныя помощи и заступления.
Простри ко Господу Богу нашему теплые молитвы свои и испроси душам нашим
оставление согрешений наших. С верою призываем имя твое, святый
праведный Пантелеимоне. Яко ты приял еси благодать от Господа Бога —
недуги отгоняти и страсти исцеляти. Тебя убо просим: не презри нас,
недостойных, молящихся тебе и твоея помощи требующих. Буди нам в печалех
утешитель, в недузех лютых страждущих врач. Напаствуемым — скорый
покровитель. Очам недугующим — прозрения датель. В скорбях пребывающим —
готовейший предстатель и исцелитель. Исходатайствуй всем вся, яже ко
спасению полезная. Яко да твоими ко Господу Богу молитвами получивше
благодать и милость, прославим всех благих Источника и Дароподателя,
Бога Единого, в Троице Святой славимого, Отца и Сына, и Святаго Духа,
ныне и присно, и во веки веков. Аминь.